உறக்கம் இன்றி தவிக்கின்றேன்
உறங்கத் தானே விழைகிறேன்
உடலும் சோர்ந்து விட்டது
உளமும் சோர்ந்து விட்டது
உணரவில்லை என் மனம்
உறங்க விடவில்லையே
உலகம் உறங்கி விட்டது
உறவும் உறங்கி விட்டது
உயிரும் கூட உறக்கத்aதை
உடைமையாக்க துடிக்கிறது
உலகை மறக்க நினைக்கிறேன்
உன் நினைவு தானே வாட்டுது
உறக்கம் இன்றி தவிக்கின்றேன்
உறவாய் உன்னை நினைக்கிறேன்
உறங்க வரம் தர வேண்டி வேண்டி
உன்னை நான் யாசிக்கின்றேன்
உன்னை மட்டும் தானே நேசிக்கிறேன்
உண்மையில் உன்னை சுவாசிக்கிறேன்
உணர வேண்டும் இதை நீ மனமார
உன் உறவாக வேண்டும் நான் உளமார
உடன் என் மனமம் உறங்குமே
உன் நினைவுடன் உருகிடுமே....
கருத்துகள் இல்லை:
கருத்துரையிடுக